Google ADS

Messi magjik, Barça në çerekfinale

22:56 | 13 Mars 2019
Arbresh Info

Barcelona i është shmangur ndonjë befasie të mundshme këtë mbrëmje (e mërkurë) duke e mposhtur bindshëm skuadrën e Lyonit.

Superylli Lionel Messi shkëlqeu kundër skuadrës franceze në takimin kthyes në kuadër të xhiros së 1/8-ës në UEFA Ligë të Kampionëve duke i ndihmuar gjigantit katalunas të vazhdojë tutje në çerekfinale, shkruan portali arbresh.info.

“Blaugranët” shënuan pesë gola kundër skuadrës nën udhëheqjen e trajnerit Bruno Genesio, e cila golin e vetëm të takimit e realizoi me anë të Lucas Tousartit pas barazimit pa gola në takimin e parë.

Lionel Messi gjeti portën dy herë gjatë kësaj ndeshje, por ishte asistues gjithashtu në dy golat e fundit të skuadrës së tij.

Philippe Coutinho, Gerard Pique dhe Ousmane Dembele gjetën gjithashtu portën sonte në Camp Nou.

Rivali i ardhshëm i Barcelonës do të mësohet pas hedhjes së shortit të premten./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm